Ikeowa'ia'ni mai?
Siekoya Remolino paa'iko Aguarico të'tëpare jaone paa'iyë 53 tsëkapëa airo jopo ësë mëiwe'ña te'tere, yëkë tsëkakapë kato Sieko paai yekere we'yoyë Secoya, paa'ikowa'ia'ë yëkë aiowa'i paa'ia'ñepi tatejë, wa'imojë, okwe kaa tsi'sojë airo paa'iye asajë paa'iyë.
Sieko paai airo, paa'iwe'ña, koa si'aowa'i paai joñoa paa'iyë, kayepi asajë Iti Paa'ikë paa'iji, kwi'ne kooa tsiaye airo tsokë ñajë paayë: airo ëko, yaje, mañapë yëkëre ai do'ikëyere paayë, jare paajë kwi'ne asajë iye mu'señaje paa'ijë karajaikowa'ia'ë ,tsije yëkë airo'ikë'iore sokëyë payë "imiyëiyë", jaone pa'iyë kooa siawa'i ëjaowa'i joñoa.
Sieko paai, paa'iwe'ña ñai nëkani ñakë paa'aji'i jerore paa'iye'ni kakë, ñakëna yeja sa'nawë paa'ikowa'ipi etajëna ñani paa'iyë iñoa'ë paa'iwe'ñarepa kani etokë paa'a'ji'i yeja sa'nawë paa'ikowa'ire.
Yëkë ka koka kato paai koka" kwi'ne yëkë ëjareo'ye kato paa'iji iyepi: maro, okoma'ña, wirisaka, nu'tu kwi'ne yëkë je'jeñe kato iyea'ë: poosa, kuri kwi'ne we'e. sekose'je yëkë ao aiñe kato paa'iji: ao, wea ao, piiara'ka, neapiia, ao jaro kwi'ne yeke aimaña.
Sieko paai daripëëa paa'iji Ecuador te'tere, jaowa'i paa'ikopi te'e paai tsëkapë Siekoya Remolino se'e ëseko kwi'ne kooeko koka kaye nea wi'yape neñe kwine wi wi'yape neñe( Palma Africana) yëkë paa'iwe'ña jaiye koañeñe paa'ikëta're nejañepi paa'iye peeo jako kajë, yëkë airo kwi'ne yeja ëserepajë saiyë yëkë, yeja ësejë paako kato paa'iji, 17.000 yeja airo paa'ijako kajë, jaje Siekoya Remolinopi ësekona si'a airo nejo sao'ñe paa'iota'a de'we këkojë kwi'ne ësejëna yejatoayo ma'a neñe paako.